想當年睇電視睇小丸子，見到佢地放學好多時都會戴黃色帽揹住個細細個的紅色背囊，可以話日本人小學生的招牌look，亦勾起不少日本人的回憶！而呢家餐廳都刻意設計成校園風，讓來到的客人都回到學生的那些年！
「給食當番」即係負責分發午餐的值日生，係日本小學，學生要輪流做值日生，負責為班內服務，包括：抹黑板、清潔課室、分發午餐等等
佔地兩層，地下用啡色做懷舊主調，細心可以發現不少校園擺設，如:紅色方形背囊、畫冊，牆上亦貼上日本藝員、歌手的簽名、雜誌宣傳；而樓上1樓就一看就是平常日劇看到的傳統課室！
 |
| 「點名簿」 |
一坐下來，做「值日生」的店員都會同你講除左可以叫Set Menu 之外，仲給了一本黑實實的簿。一看封面是「點名簿」，以為是想客人簽名留記錄，怎知打開裏面全部都是散叫的食物，原來是餐牌！
Set Menu提供3款：小學生（¥2000)、中學生（¥2500)、大人給食（¥3000)，食物款式基本都差不多，只不過隨着“年紀增長”跟得更多配菜而已。
今次選擇了中學生course。
中學生Course:粉絲沙律、炸鯨魚肉、肉丸湯、炸魚柳；另外再有part 1 或 part 2 選擇（本人選左part 1)
Part 1: Part 2:
炸麵包 軟麵
煮咖喱 薄荷醬
凍蜜柑 牛奶
「值日生」派左餐之後，店員會叫客人講句「 いただきます!」(二他他key 媽屎-「我唔客氣」 的意思）
粉絲沙律有粉絲、甘荀、青瓜。甜甜酸酸得來十分開胃，配菜都切得好薄及爽口；炸鯨魚肉望上去像炸冬菇天婦羅，聞一聞有少少“蘇”味，某幾塊多了少少炸粉，食落都頗“林身”，味道有點似雞肉；至於炸魚柳份量唔大，尚算炸得均勻，跟來的沙律醬剛好，食落不算太油膩，香脆厚肉！怕魚味可落少少檸檬汁提味。
到來了盤內主菜：
肉丸湯：來的時候暖暖地，飲落好有家庭味道，攤凍都仲好飲，肉丸滑口，不會是老瘦肉製成的那種“鞋烚烚”的感覺。
煮咖喱：日本咖喱，一點都不辣，傾向甜及偏“俙”,就咁食有點怪，始終有跟飯麵一齊食會好一點。
凍蜜柑：本來打算最後先食，但佢地推介炸麵包，所以先食了。就咁攞上手已經感到好冰凍，放上口食個一刻牙都痺埋……太凍而且太酸，果肉雪到實左，猶如變左果汁冰一樣，最後食不到一半就放低……
炸麵包：日本小學生的回憶之一，Menu都有幾款口味選擇，但講傳統還是黃豆粉是首選！亦係眾款口味最多人選擇。食落唔會覺得好炸或很熱氣，表面甜甜地且脆口，內裏十分軟熟，簡單得來好食的麵包！
呢個Set每款份量都唔多唔大，但食完咁多樣都好飽。之後同店員上1樓參觀下課室！由於晚上時段，1樓用餐只接受事前預約并且要3，4人或以上先可以預約。不過一上到去，心諗：「呢度環境感覺更加好，一坐低都似係課室的學生！」
平常校園日劇或校園動畫入面見到的木枱木櫈，黑板都一一呈現係眼前，返學個鐘都掛埋係黑板上面，係呢度完全感受做學生的感覺！唔怕羞大家可以戴埋頂黃色小學帽就更入型入格喇！不少日本人要重拾那些年的學生情懷都會黎到呢度!!
東京都台東區元淺草寺1-4-4
(都營大江戶線新御徒町站A3出口)
**********************************************************
更多個人分享，請到
Email 聯絡 Contact (ron808808@hotmail.com/neckiyuty2005@gmail.com)
Line分享 (kcc_lovelinego)
