Honey Sparkling-再戰蜂巢雪糕~(第二擊)

在旺角廣華街，單單是甜品店已經有7間!!在競爭激烈的情況之下仍然選擇在廣華街開店，究竟其出品又如何呢?

選擇既時間係夜晚10點左右，人數不算多，很快就可以入座~這店的座位不多，但每一枱都有不同既佈置裝飾!!

Menu至少有10款~點了4款不同款式，分別為Sweetie Pinky($38)、Double Bee Baileys+Brownies($45)、Lazy Holiday($38)和Popcorn Pops($38)。
----------------------------------------------------------------------------------------------------------------------

Sweetie Pinky:眾多款式較吸晴的一款~選擇了北海道3.6牛乳雪糕(Hokkaido 3.6 milky soft cream)所以味道方面較香同濃郁。質感亦很細滑唔會"一舊舊"；雪糕加上味道酸酸既士多啤梨肉同原粒士多啤梨剛好有個平衡，不會太酸亦不會太膩。加上 士多啤梨味百力滋去增加小小脆口口感，呢款可給你一種酸甜有致，又有不同口感既感覺!!
------------------------------------------------------------------------------------------------------------------

Double Bee Baileys+Brownies:用Baileys甜酒加入雪糕，令其帶上酒香和香甜味~雪糕食下去 有小量既酒澀味，酒味淡淡地，奶香相對減少了少許，卻做到慢慢帶出雪糕既味道~另外加上自家製既brownies都算有朱古力味，不算太濃，質感唯有點鬆 散~吃到較底下時，酒味會越濃，有増加其苦味，但底下有brownies吸收甜酒，好似帶有酒香既蛋糕，又有另一口感~
-----------------------------------------------------------------------------------------------------------------

Popcorn Pops:韓國前排時間十分大熱既爆谷雪糕係呢間店都有得食!! 雪糕底係綠茶味,上面鋪滿了爆谷。爆谷唔會話太過”淋”,尚算香口,味道稍為淡口一點;老闆想比客人足料既綠茶雪糕,所以食落去重綠茶味同有綠茶粉既味道。混搭爆谷雪糕味道不太搭,個人還是認為配牛奶味較配合。
--------------------------------------------------------------------------------------------------------------

最後就係Lazy Holiday~係雪糕加蜂巢再加檸檬皮同檸檬醬。蜂巢比Honey Bee既細件,但用係呢款就十分適合!!因為太大塊就不能同酸甜既檸檬醬有一個平衡;檸檬醬十分清新,入口有檸檬果肉搭檸檬皮,酸酸甜甜又有嚼口,最重要係唔會好膩又唔會太甜~
-------------------------------------------------------------------------------------------------------------------

環境:海綠色既環境令人感覺舒服放鬆 再加上桌上放有不同既精緻裝飾除左可以影相，成個感覺都很華麗同可愛~由於兩位老闆都係設計出身，所有美麗既店內設計鋪排都感覺到出來~店名和雪糕款式名都刻意考慮過~

服務:兩位老闆都很友善，言談之間還比我地試飮左佢地既新特飮:Honey Sparkling!!!仲很健談地談了不少他們創業的經過~~還願意聆聽顧客的意見!!

總結：
雪糕是十分柔滑及香濃的牛奶味，在甜度方面是偏甜了一點，但未到過甜的地步。當中感覺到老闆每一個細節、地方既用心和誠意，希望在未來時間會吃到更多高質素的新款蜂巢甜品。

Honey Granny-蜂巢雪糕襲港之第一擊

近來韓風大熱，炸雞、韓式壽司什麼的都很得港人受落。就連韓國式既甜品有唔少人想帶黎香港做。好似呢間雪糕店就帶住韓式蜂巢雪糕既名號將蜂巢雪糕帶比香港人~

這間韓式蜂巢雪糕店用左紐西蘭既牛奶做雪糕，蜂巢同蜂蜜就用來自台灣既。雪糕就有牛奶味雪糕，仲有奶茶味雪糕，另外可以加配料，就好似有朱古力豆、蜂巢等等...亦有蜂蜜水售賣。

先試一個原味筒裝配嬤嬤蛋糕(即牛油蜜糖蛋糕)($42):

牛奶味唔太濃，亦被淋上既蜜糖蓋過原有既味道...由於不加凝固劑，雪糕本身軟身及好快融化，即使有托紙，雪糕都難免流落筒底，托紙既實際意義不大 至於蜂巢既大小就略嫌太細，而且分給每個顧客既大小都有相差。蜂巢味道方面，就如香口膠，有嚼口但味道欠奉，加上淋蜜糖既時候沒有淋上蜂巢既關係，就如口 腔細嚥着好多紙碎一樣...雪糕味道就如加蜜糖既牛奶水，味道還可以再好些...蛋糕薄薄一片，頗軟頗綿，質感鬆軟。和牛奶雪糕既味道都相當配合~有牛油 香味，但唔算太香濃~

之後來個奶茶味蜂巢雪糕($41):

味道比牛奶味更甜得多~亦帶好香既奶茶味~口感亦比牛奶味更濕潤。配蜜糖雖沒搶走其奶茶味，但略嫌過甜~~配蜂巢雖令味道帶來質感，但令到雪糕更加甜。

再來夏之彩虹($33):

 

加入了美國來的彩虹圓脆圈同彩色既糖霜令其賣相繽紛吸引~口感上亦算最豐富既一款。彩虹圓脆圈既味道就好似平時要加牛奶食既蜜糖星 星!!再加上焦糖~個種脆卜卜既口感同顏色賣相，相信小朋友見到呢個都會叫呢一款~但我個人覺得味道都係過甜，只不過有脆口既口感為其加分吧~~

跟住就蜜之邂逅($29)

其實係牛奶雪糕淋上朱古力醬加最底既Oreo牛油味白色夾心餅碎。呢款有少少似加朱古力醬既麥旋風(若混合攪拌)牛油味Oreo亦冇原味個款Oreo那麼甜。食完都有點膩~~

又叫個有機棉花糖($23)

純粹牛奶雪糕上加即製棉花糖，味道沒什麼大變化~棉花糖份量唔多，一口可食完，
亦因份量唔多唔太感覺得好甜，呢款都係為了配合韓國潮流。

亦可配蛋卷($41):

蛋卷都頗香亦鬆脆，沒有變"林"，用蛋卷沾雪糕食就最好配搭~~口感更豐富~~

最後兩杯飮品消化下~

一杯系高山蜂蜜水($18):

用上了櫻花蜜，僅用水沖調而成，有少少花香味帶清甜，飮上亦感到滋潤了喉嚨。但若有唔凍或唔加冰既選擇就更好。

另一杯系青檸鮮蜜茶($22):

加左一小片青檸，酸酸甜甜，飮完都開胃和消膩，解暑唔錯既選擇。

環境:

環境小小，所以顧客大多係店外食，店內只有一兩張櫈，不足以容納太多顧客~店內有蜂巢擺放，但不能單獨售賣。

服務:店員尚算有禮，亦樂意解答及比顧客建議選擇~

總體:性價比不算高，亦要想辦法解決雪糕融化速度既問題。不過頗佩服他們短短數月極速開分店既決心及進取。

Honey Granny

紅磡德民街29號黃埔新邨德民大廈B3號舖

**********************************************************

更多個人分享，請到

 Facebook (facebook.com/kachun.chan.7393)       

Instagram Follow (life_is_fun_great)    

Email 聯絡 Contact (ron808808@hotmail.com/neckiyuty2005@gmail.com)

Line分享 (kcc_lovelinego)

Jamie's Italian-英國[Naked Chef]Jamie Oliver既親民意大利風情~

英國名廚Jamies 個名係電視節目聽得多，但佢開既意大利餐廳就真係未去過。留意到傳媒報導知道係香港插旗，就算排隊都想要去試吓~星期五夜晚去到個度就見到排哂長龍，個餐廳係登龍街，林寶堅尼展館隔離~

炎熱同驟雨既情況下排隊實在難受~外面排完上到2樓都係要等一陣,去到2樓，店員已經報以親切既笑容～雖然係等得耐，但見到佢地誠懇既態度唔多唔少緩和左焦急既戾氣～望一望後面，見到一壁巨龍圖案塗鴉，十分有氣勢！

夜晚去成個環境唔會好光猛～但氣氛感覺比日頭更加好～因為上2樓前，有menu比 顅客睇，所以都決定左食咩～

可能開業初期，等左相當耐既時間先有野食黎到，先黎Crispy Squid 開下胃先～

Crispy Squid:呢款係比較之後嗌左幾款食物入面我覺得最出色既一款！呢款係脆口魷魚～配蛋黃醬同檸檬。切粒形式奉 上，將檸檬汁唧落魷魚粒再沾一沾大蒜蛋黃醬，十分惹味！！外酥內嫩，無多餘炸粉，肉質柔軟魷魚都炸到恰到好處~由於外皮搽牛油炸，再加蒜味與辣椒粉仲有香 草去提升香味，真係可以食到唔停!!

Prawn Linguine:Menu 仲加上Our Famous，呢款係出名既意粉所以先叫~但意外地唔出色... 每日homemade 既意粉微暖偏凍，都有嚼口，但味道唔會好有驚喜；蝦肉較細粒，亦煮得較結實，無新鮮蝦肉既味道；番茄汁都叫鮮甜但水太多，幸好上面既rocket leaves 夾埋蝦肉同意粉都好清爽同對味~

World's Best Olives on Ice
with black olive tapenade and music bread:
造 型吸引，比一般食都來得大粒~不過橄欖新鮮就新鮮，亦好冰凍，但個人就認為鹹澀味頗重，不是個個人能接受~中間的是Music Bread 脆片配黑橄欖跟酸豆同番茄乾做成既橄欖醬。醬要配脆片食先好食同配合~就咁食略為鹹味重，Music Bread 脆片咬落亦冇預期個種很脆口既音調出來...

Crab  & Avocado Bruschetta: Bruschetta係意大利可以話常見既一種前菜或點 心~其實係一種烘烤過既麵包，包上放上唔同既材料一齊食~板上附近有綠色既牛油果蓉同蟹肉醬。麵包上鋪上一層薄薄蟹肉，再配上酸甜既青蘋果絲同少量意大利 奶酪、檸檬~不過唔配上牛油果蓉或蟹肉醬一齊食都唔係好夠惹味~ 麵包經過烘焗，都算鬆脆!份量偏少，要小心夾埋一齊食會容易鬆散。

Cured Meats Plank:賣相完全吸晴，不少顧客都有叫呢款~每當呢款菜式黎到既時候都要"餵相機"先~豐富既食材組合 放係長木板上一目了然~有辣肉腸、火腿、齊茴香莎樂美腸、同意大利肉腸。豬肉夠薄身、柔軟而帶天然肉味，配上醃製青辣椒好開胃~伴以Mozzarella 水牛芝士、雜菜絲薄荷沙律、醃橄欖同硬羊奶芝士伴薄身Music Bread，甜酸鹹辣既味道集中係口腔，個種變化豐富無比!! 而硬羊奶芝士上那小小既辣椒果醬都係亮點，甜甜辣辣，令其更突出芝士味道!!

Tiramisu:賣相未至於吸引，但未食已聞到橙味~食落去質地十分柔軟同較濕潤~咖啡蛋糕夾Mascarpone芝士灑上橙皮，層層相間又幾軟滑~味道濃郁但唔算太膩，都值得一試既~

環境:英國工業風既設計~地下有counter賣Jamie既各類產品。開放式廚房可以睇到廚師工作；座位空間尚算開揚，有舒服沙發位，但二人枱面積略嫌太細；係晚上尚算有舒適悠閒既氣氛~有香港特色既壁畫更見地道文化既味道~

服務:排隊當晚有雨，店員都友善提供雨傘、水同埋派Ham食，值得一贊~用餐時詢問有關菜式既食材或食法都有問必答；落Order唔用紙筆記低但可重複覆返亦無誤，但可能開業初期出餐時間頗長~可以自由選擇加一與否同加一既百分比~

總結:整體質素尚算不俗，賣相亦吸引，亦不設加一，但部分有名菜式失準..是較失望，但考慮價錢、環境、服務，實為不錯既選擇。

 

Jamie's Italian

銅鑼灣登龍街1號金朝陽中心2期 Midtown 2 樓

**********************************************************

更多個人分享，請到

 Facebook (facebook.com/kachun.chan.7393)       

Instagram Follow (life_is_fun_great)    

Email 聯絡 Contact (ron808808@hotmail.com)

Line分享 (kcc_lovelinego)