Samsung S6 Edge -普通使用者的用後感

Samsung 被生果機搶佔一哥位置，自己盈利去唔番之前咁勁，再唔諗計就只會一直倒退，所以今次S系列誓要攞返d成續返黎!

Samsung今次出既係曲邊Mon。上次都用過，系Note Edge部機度，今次再接再厲，出夠雙邊Mon!!2K Mon、64 bit 8核 同埋新奇顏色(如:綠色)當然Samsung講既唔只呢d野，但試上手既感覺係點呢?

 今次攞上手既機有白色、深藍、金色。白色S6正面望就同過往S系列設計差唔多，係側面及後面有唔同。側面個前後角位有小小弧位，後面就鏡頭凸出。S6 Edge雙曲Mon遠望唔太顯眼，攞側小小個曲線感就感覺到嘞!

黑色同金色，特別是金色，較容易沾上指紋，尤其後面用左玻璃加金屬面,所以反光得黎，指紋會一眼睇到。

金色攞上手唔似金色，似透明色，但個人認為最sharp係呢隻色。至於s6 64gb 限定既寶石綠色同s6限定既蔚藍色就暫時5月份先有，4月10賣既時候只有白，黑及金色。

S6 Edge 既手感冇因為佢加左兩田曲邊Mon影響左，5.1寸Size仍然可以單身操控，眼見另外試緊的女士都可以1隻手做到!至於無論大家用開左手定右手，都可以設定側Mon係左邊還是右邊，所以單手操控時都唔會話掂到個側Mon去左第2度，所以唔單止為了設計上的觀感，仲因為可以令單手操控更方便!!

不過s6 edge曲Mon既弧度比之前Note edge細，不過都可以睇到狀態欄、app通知、睇Message都做到，有時你橫向睇劇或者打機，呢樣就好方便!由於用左強化玻璃物料做，所以跌落地或者個mon撞左落D枱，都一樣運作正常同埋唔會爆Mon。當日有分享話跌落地，就一樣冇事，冇爆芒冇花佢加左反光塗層，令機背睇落更加高貴，深淺顏色更易顯示出黎，會有小小似漸變效果，但好似之前咁講，指紋問題就明顯左，或要攞定塊抹布清潔~

影相個度，本人最喜歡按兩下home鍵就可以即刻開左相機(佢地話0.7秒)，按volume up/down就即刻影到相，呢樣我覺得有時有樣景或野你要好快手影，呢個功能就好幫到手!另外佢個對焦同追焦速度都好快，影相同埋郁動既人或物都影到之餘唔會濛或影到手震。另外，影完相睇返真係比之前個幾代靚好多，起碼zoom近都無咩雜訊，影d字zoom近都睇到；zoom近影都影響唔大，一樣清晰!

另外有個360度Mode,可以輕易影到全角度，左右移動就可以個物件既全角度，有時你可能剪完頭髮想睇下後面，呢個功能就好幫到手!加埋佢係光圈、ois

做左唔少改進，影出黎既相都好自然同好靚!

仲有d快差功能，充電10分鐘就用到4小時，有時唔記得夜晚叉電都可以頂到下!

 試左呢部機，我自己覺得最要讚係影相個方面samsung係做左功夫(以我唔係攝影專家來說)對於我呢d一般影相黎講，真係影相好左好多。samsung今次係細節上係貼心左，好似側Mon令到大家睇信息或資訊方便好多，另外有個綜合程式，可以睇哂電池，清內存、垃圾，防毒都一個軟件搞掂，唔駛左裝右裝，簡潔好多。所以呢部機比較之前s系列進步好多，改變好多了。