三田製麵所-濃厚豚骨魚介配極粗麵條沾麵-黎到香港又會點呢？

三田主打用佢自家製既「極太麵」製作沾麵，可以食得更入味！！ 「太」可解粗、寬，即係麵條粗身，粗身既本質就更加鎖住更多既汁啦，食落更惹味喇，所謂平時見介紹寫既更強既「掛汁力」！！ 但係日本好食，黎到香港又會點呢？

沾麵汁底：濃厚豚骨魚介
沾汁：辣/唔辣
份量：小（140g)/中（210g)/大(280g)【價錢劃一】
P.S.可另加$10 特大（420g)
麵可熱上嗌左一碗 辣同唔辣 另嗌左3個炸物：炸獅子狗（跟抹茶鹽）/炸雞/三田流煎餃子

正值夜晚8-9點黃金時段，不論等入還是等食都需時，不理本桌，其他同桌食客大約都要等約15分鐘，特別另外嗌左炸物既，再等耐少少～

先黎左沾麵，再好快黎埋炸物～  

話明濃厚，所以唔會清同浠，汁係杰身濃味d，係十分適合沾麵，而呢度三田既汁不算太杰，黏得過頭，一放麵都好上汁。我5年前日本留學第1次接觸沾麵既時 候，就係夾1小撮一放入汁就放入口，爽快食左去，係香港食沾麵都當然咁做，唔好1大撮/細細撮1，2條咁仲要shabu shabu咁左拖右拖同食1啖又放返落去沾汁浸多一浸再食。

我自己都堅持食原本凍上，因為我係日本食就未試過煮熱既沾麵，當然我不知近來有沒有新流派/新食法，但係原本沾麵其中一個地方係去食佢既彈牙同埋嚼口，唔會林身同軟身，所以都係冷麵條跟暖/熱沾汁最傳统同好食！！  

香港三田麵條口感都做到口感彈牙，唔會軟身，浸汁都容易吸到好多沾汁，無食食下自己輕身斷開既挺身，亦無多餘水份係個碗底。

沾汁：黎到温度為暖口，有林身小小既紫菜，內有叉燒，維持濃厚既鮮味味道，當然無多餘既肉渣。至於辣味唔太辣，想味道有多一層刺激及層次，亦可選

配料：叉燒（大塊，肥瘦都均匀，唔一邊太厚一邊太薄）；筍（爽口無“叔味”）；蛋（雖無流汁，味道都唔錯）

食沾麵最好唔會拖太長時間，因為麵條會林之餘，汁都會凍。

最後可以叫店員為你碗沾汁加熱湯，加完之後可以當湯飲。本人太飽所以無加，但眼見其他食客剩下既沾汁份量都不同，但店員都係加湯加到滿，不會變成有d過淡有d就會過鹹？

男士選「大」其實很足夠，特大可能會好濟；女士「小」及至「中」都很足夠。

-------------------------------------------------------------------------------------------------------------------

炸獅子狗：炸好無耐都叫熱但唔算熱到辣口，沾鹽令本身味道唔重既獅子狗更加提味，放落口時亦聞到紫菜既香味，香口唔太油膩，亦無炸到鬆散分離，略嫌某d位置厚粉左小小。

炸雞：炸得唔錯，無過分炸過頭，有肉汁唔韌口，惟味道過鹹，即使落左檸檬汁同拌左椰菜絲都味道過重～

三田流煎餃子：餃子淋上大阪燒汁同蛋黃醬再上面灑上頗多既木魚碎。細細隻都較濕潤，唔會太乾口，皮同餡比例都平衝，皮亦做到薄，同汁都夾得埋。

 服務/環境：開放式廚房，但坐既位置唔會睇到其製作過程。有啱1個人坐既吧枱位，有日本拉麵店無既卡位，2人枱。至於服務方面就友人想嗌杯水，但可能太忙，要再嗌另1位店員先再加到水。上菜時間太約15-20分鐘（晚上8-9時段）。

三田製麵所

銅鑼灣登龍街1號金朝陽中心2期Midtown地下D號舖

**********************************************************

更多個人分享，請到

 Facebook (KC Chan)       

Instagram Follow (life_is_fun_great)   
Openrice :貪食階磚仔

Email 聯絡 Contact (ron808808@hotmail.com/neckiyuty2005@gmail.com)

Line分享 (kcc_lovelinego)