如果你係 One Piece Fans ,呢個慶祝15週年既主題樂園唔驗諗，一定要朝聖喇!
遊戲、精品Store、餐廳、Live Show 一應有哂!就算無睇既朋友，都好值得一睇!不要剩係去Sky Tree喇!
開始就走進蛇形通道欣賞下漫畫不少經典場面，當中有唔少互動的地方，如:一踏進就有聲響同效果!不少Fans每一張都停留左影右影!
之後就會1:1公仔比大家再次開動相機既機會喇!(其實應該話無停過!）
仲有Cosplay島民的帥哥同大家打招呼!
隔離就有個小小的Area俾大家買下One Piece精品出下血先!
上2樓之際，電梯都刻意做了不少心思!
迎接大家還有另一個高大的帥氣島民!(佢地個個表情十足，動作都好認真投入㗎!）
2樓係除左有唔小位比大家影靚相之餘，仲有幾個角色的主題遊戲區同埋有個小食Corner。
本人玩左咁多個，最喜歡的就係Zoro既「一刀兩斷」同烏索普既射彈弓 喇!唔知到時大家鍾意邊個呢?(Fans:仲駛問!?梗係全部都鍾意喇!）
有場內朋友攞住「電傳蟲」周圍搵牆聽情報Message!（呢個係羅賓既主題遊戲）
最後一層3樓!路飛等角色換哂戰鬥服飾，一於有型地比大家影相!
之後就係路飛既主題區!(唔駛排隊!可能我早到喇!）
裏面有套短片，3個顯示Mon，片中有水、風、煙既效果，路飛打3個Boss(邊個就大家去睇就知!）
出返黎就有個LiveShow,不過本人就無睇到了，要攞籌跟上映時間表先睇到。
完左3樓之後，落到地下不少得要Fans出動荷包既精品Store同餐廳!
裏面每一樣都好靚!有唔少係東京鐵塔限定，其他好似JumpStore就冇既。
手抽袋都有「海賊塔」的圖案(限定）
我自己最鐘意就係呢隻Seiko×One Piece 既皮錶!(買唔起呀!¥44，800Yen-3千蚊呀）
不過我挺喜歡日本既動畫精品，有唔少係無動畫角色圖案係裏面，拎出街都唔覺係動畫精品，不少都有型有款!
買哂野，唔少Fans都肚仔餓，少不了主題餐廳等大家再次出動啦!
走既時候記得影埋烈陽號/千陽號呀!
等大家影多D靚相呀！
——————————————————————————————————————
Tokyo One Piece Tower
全年無休
開放時間:10am-10pm
地址:東京都港區芝公園4丁目2-8 Tokyo FootTown內
票價:大人-¥3，200円(約$205）、4-12歲-¥1,600円(約$103）
另可去7-Eleven買-¥3，000(約$193,留電話可以留酒店電話）
Homepage: onepiecetower.com
